Meta, móðurfyrirtæki Facebook, hefur unnið að nýju forriti tengdu Instagram þar sem notendur geta varpað fram stuttum smáskilaboðum til fylgjenda sinna og annarra.
Forritið er hannað til að fara í samskipti við Twitter sem hefur átt erfitt uppdráttar eftir að Elon Musk keypti miðilinn í fyrra.
Samkvæmt BBC er nýi samfélagsmiðilinn frá Meta kominn á lokastig og hafa starfsmenn fyrirtækisins fengið að prófa.
Notendur eiga að geta fært fylgjendur sína af Instagram yfir á nýja forritið. Þá verður einnig hægt að færa fylgjendur af Mastodon.
Nýja forritið hefur ekki enn fengið nafn og er kallað P92 eða Barcelona innan veggja Meta. Reiknað er með að það verði aðgengilegt almenningi í sumar.