Fjárfestingafélagið Sund, sem er meðal annars með stærri hluthöfum í FL Group, og Arion safnreikningur eru þeir einu sem koma nýir inn í hóp tíu stærstu hluthafa Skipta, en hlutafjárútboði félagsins lauk í dag. Sund er með 2% hlut í Skiptum og Arion 2,4%. Kaupverð Sunds var um milljarður króna miðað við útboðsgengið 6,64 krónur á hlut.
Það seldist 7,5% af heildarhlutafé Skipta, móðurfélags Símans, í hlutafjárútboðinu en í boði voru 30%. Kaupþing, næststærsti hluthafi Skipta, er seljandi þessa 7,5% hlutar. Eftir útboðið er bankinn skráður fyrir 22,3% hlut en þar af eru 2% vegna framvirka samninga viðskiptavina.
Að öðru leyti breyttist ekki eignarhlutur tíu stærstu hluthafa eftir útboðið.
Í útboðslýsingu Skipta er birtur listi yfir tíu stærstu hluthafa félagsins en eftir útboðið var upplýst um 20 stærstu hluthafana. Þrjú félög sem bera nafn Kaupþings eru á listi yfir 14-19 stærstu hluthafana. Þau eru: Kaupþing ÍS-15 með 0,3% hlut, Kaupþing Heildarvísitölusjóður með 0,1% og Kaupþing Investment Fund – Icelandic Equity með 0,1%.
Þegar Síminn var einkavæddur árið 2005 voru sett skilyrði um að bjóða fram í almennu útboði 30% af hlutafé félagsins og að skrá það á hlutabréfamarkað, sem gert verður næstkomandi miðvikudag. Þessi skilyrði hafa verið uppfyllt.
Áður en ráðist var í útboðið var félagið skráningar hæft í Kauphöllina, bæði hvað varðar fjölda hluthafa og dreifingu þeirra, því félagið var með yfir þúsund hluthafa. Þennan fjölda hlutahafa má að miklu leyti rekja til þess þegar Ríkissjóður seldi lítinn hluta í Landssímanum árið 2001.
Hlutahafalisti yfir 20 stærstu hluthafa eftir útboð:
1. Exista B.V 43,6%
2. Kaupþing banki hf. 22.3%*
3. Lífeyrissjóður verslunarmanna 8,0%
4. Gildi -lífeyrissjóður 8,0%
5. Arion safnreikningur 2,4%
6. Stafir lífeyrissjóður 2,2%
7. Sameinaði lífeyrissjóðurinn 2,2%
8. Sund ehf. 2,0%
9. MP Fjárfestingarbanki hf. 1,9%
10. Imis ehf. 1,9%
11. Lambi ehf. 1,6%
12. Þræðir ehf. 0,6%
13. Elfar Aðalsteinsson 0,3%
14. Kaupþing ÍS-15 0,3%
15. Kaupþing Heildarvísitölusjóður 0,1%
16. Söfnunarsjóður lífeyrisréttinda 0,1%
17. Guðmundur A. Birgisson 0,1%
18. Glitnir banki hf. 0,1%
19. Kaupthing Investment Fund - Icelandic Equity 0,1%
20. Lífeyrissjóður Verkfræðinga 0,1%
*Af eignarhlut Kaupþings banka eru 2% vegna framvirkra samninga við viðskiptavini.
Hluthafalisti yfir tíu stærstu hluthafa fyrir útboðið:
1. Exista 43.6%
2. Kaupþing 27.8%
3. Lífeyrissjóður Verslunarmanna 8.0%
4. Gildi lífeyrissjóður 8.0%
5. Stafir lífeyrissjóður 2.2%
6. Sameinaði Lífeyrissjóðurinn 2.2%
7. MP Fjárfestingarbanki 1.9%
8. Imis ehf 1.9%
9. Lambi ehf. 1.6%
10. Þræðir ehf. 0.6%
Tíu stærstu 97.9%
Aðrir 1.027 hluthafar með 2.1% hlut.