Stjórn samtakanna ákvað að nota hluta af sjóðum samtakanna í verkefni hérlendis og erlendis á árinu 2010. Gjöld ársins vegna verkefna og reksturs samtakanna voru 94,4 milljónir króna og hér að neðan sést hver skiptingin var. Barnaheill – Save the Children á Íslandi leggja metnað sinn í að nýta tekjur og framlög sem best í þágu barna og halda rekstrarkostnaði í lágmarki. Kostnaður vegna reksturs og fjáröflunar er þó óumflýjanlegur, þar sem það kostar að afla tekna og halda utan um starfið með faglegum og árangursríkum hætti.
Barnaheill - Save the Children á Íslandi eru frjáls félagasamtök sem stofnuð voru árið 1989. Þau eiga aðild að Save the Children International en að þeim standa 29 landsfélög sem starfa í 120 löndum. Barnaheill - Save the Children voru stofnuð í Bretlandi árið 1919. Stofnandi þeirra, Eglantyne Jebb, var með þeim fyrstu til að benda á að það væri réttur barna að alast upp í öryggi og friði. Samtökin vinna að mannréttindum barna með því að vera málsvari þeirra, með fræðslustarfi, innlendum og erlendum verkefnum og í gegnum neyðaraðstoð. Icelandair Group, Ikea, Hvíta húsið og Pegasus eru styrktaraðilar Barnaheilla.
