Örflöguframleiðandinn Nvidia skilaði ársuppgjöri eftir lokun markaða vestanhafs í gær en tekjur fyrirtækisins jukust um 265% milli ára samkvæmt Financial Times.
Tekjurnar voru meiri en spár greiningaraðila en vonir stóðu til að félagið hefði þénað um 20,4 milljarða dali á fjórða ársfjórðungi en raunin varð 22,1 milljarðar dala sem samsvarar um 3000 milljörðum á gengi dagsins.
Gengi Nvidia hefur hækkað um 225% síðastliðið ár, þar af um 40% á árinu.
Nvidia sendi frá sér afkomuviðvörun samhliða uppgjöri en félagið býst við því að tekjurnar verði um 24 milljarðar dala á fyrsta ársfjórðungi þessa árs.
Fyrir einungis átta mánuðum síðan varð Nvidia fyrsti örflöguframleiðandinn til að ná markaðsvirði yfir 1.000 milljarða Bandaríkjadali.
Síðan þá hefur virði félagsins næstum tvöfaldast en við lokun markaða í gær nam markaðsvirði félagsins um 1.800 milljörðum dala.
Nvidia er núna þriðja verðmætasta fyrirtækið á markaði í Bandaríkjunum á eftir Microsoft og Apple.
