„Það er mjög margt sem hefur komið til en það hefur orðið gjörbylting,“ segir Helga Lára Guðmundsdóttir, deildarstjóri í ráðstefnudeild Iceland Travel, þegar hún er spurð út í þróunina á undanförnum árum í ráðstefnuhaldi á Íslandi. Hún nefnir mikla tækniframþróun og vitundarvakningu í þjónustu. Helga Lára segir fagmennsku einnig hafa aukist mikið með tilkomu háskólamenntunar í fræðunum.
Hörð samkeppni
„Samkeppni er hörð og þar sem heimurinn verður alltaf minni með tilkomu tækninnar er mikilvægt að fylgjast vel með nýjungum og þróun til að vera samkeppnisfær á hinum stóra alþjóðlega markaði. Ráðstefnu landið Ísland hefur svo sannar lega meðbyr enda höfum við sýnt það og sannað að við getum haldið ráðstefnur hér á landi sem þúsundir gesta sækja,“ segir Helga um stöðu Íslands í þessum bransa.
Aðspurð segir hún það rétt að ráðstefnugestir séu miklu fleiri í dag á Íslandi en á árum áður. „Enda getum við tekið á móti stærri viðburðum með til komu Hörpu, bættri ráðstefnuaðstöðu almennt bæði í sérsölum og á hótelum hvort heldur er í Reykjavík eða á landsbyggð inni,“ segir Helga.
Fjallað er nánar um málið í blaðinu Ráðstefnur og fundir, sem fylgi Viðskiptablaðinu í vikunni. Áskrifendur geta nálgast blaðið allt hér að ofan undir liðnum tölublöð .