Nýjasta bók spennusagnahöfundarins Yrsu Sigurðardóttur,
Brakið
, var í efsta sæti á metsölulista Rannsóknarseturs verslunarinnar fyrir dagana 25. til 31. desember. Þetta er fjórða vikan í röð sem Brakið er á efsta sæti listans en þá var bókin jafnframt mest selda bókin á Íslandi á síðasta ári.
Í öðru sæti listans var sem fyrr bókin
Einvígið
eftir Arnald Indriðason, sem jafnframt er næst mest selda bók ársins.
Listinn er nú tekinn saman vikulega og birtur á vef Rannsóknarsetursins.
Matreiðslubók Latabæjar
eftir Magnús Scheving kom ný inn á listann yfir 10 mest seldu bækurnar í vikunni og endaði í þriðja sæti. Þá voru
Hollráð Hugos
eftir Hugo Þórisson í fjórða sæti og loks bókin
Gamlinginn sem skreið út um gluggann og hvarf
eftir sænska rithöfundinn Jonas Jonasson í fimmta sæti.
Gamlinginn var lengi vel mest selda bókin á árinu eða þangað til Einvígið og Brakið komu út í nóvember.
Í sjötta sæti metsölulistans í vikunni milli jóla og nýárs var bókin
Útkall – ofviðri í Ljósufjöllum
eftir Óttar Sveinsson og í sjöunda sæti var bókin
Málverið
eftir Ólaf Jóhann Ólafsson.
Mest seldu bækurnar á árinu
Sem fyrr segir var Brakið mest selda bókin á árinu 2011. Einvígið, sem næst mest selda bókin á árinu, var í efsta sæti þar til um miðjan desember.
Gamlinginn sem skreið út um gluggann var í þriðja sæti og
Heilsuréttir Hagkaups
eftir Sólveigu Eiríksdóttur í fjórða sæti. Í fimmta sæti var
Stóra Disney köku- og brauðbókin
.
Til gamans má geta þess að Brakið er ekki eina bók Yrsu á listanum yfir 10 mest seldu bækurnar á árinu því skáldsagana
Ég man þig
, sem kom út fyrir jólin 2010, er í 10. sæti listans yfir mest seldu bækurnar árið 2011. Yrsa er því höfundur tveggja bóka á listanum yfir 10 mest seldu bækur ársins.