Ingólfur Haraldsson hefur verið ráðinn framkvæmdastjóri fasteigna hjá Íslandshótelum. Þetta kemur fram í tilkynningu frá hótelkeðjunni. Ingólfur hefur mikla reynslu úr hótelgeiranum en gegndi áður stöðu framkvæmdastjóra Berjaya Iceland Hotels, hótelstjóra Hilton Reykjavík Nordica við Suðurlandsbraut. Þá starfaði hann einnig um árabil hjá Icelandair Hotels.
Samkvæmt tilkynningu fyrirtækisins mun Ingólfur taka þátt í framtíðaruppbyggingu félagsins samhliða rekstri fasteigna dótturfélaga Íslandshótela.
Íslandshótel greina einnig frá því að Lijing Zhou hefur verið ráðinn sem sérfræðingur í sjálfbærni hjá fyrirtækinu.
„Lijing kemur inn á aðalskrifstofu Íslandshótela með mikla reynslu og menntun í sjálfbærni og umhverfisvísindum, en hún hefur stundað nám og starfað í Svíþjóð, Bandaríkjunum, Kína og nú síðast á Íslandi,“ segir í tilkynningu frá Íslandshótelum.
Lijing er með tvær meistaragráður, aðra í umhverfis- og auðlindafræði frá Háskóla Íslands og hina í alþjóðlegri þróun og stjórnun frá Háskólanum í Lundi í Svíþjóð.
Hún starfaði áður hjá International Fund for Agricultural Development (IFAD) hjá Sameinuðu þjóðunum.
„Lijing mun í starfi sínu bera ábyrgð á þróun og innleiðingu sjálfbærni þvert á öll svið Íslandshótela með áherslu á að draga úr umhverfisáhrifum, stuðla að sjálfbærum starfsháttum og bæta heildarframmistöðu fyrirtækisins á þessu sviði,“ segir í tilkynningu Íslandshótela.