Konur ræddu um verðbréfamarkaðinn og annað honum tengdum yfir kokteil á vegum Kauphallarinnar og fleiri í gærkvöldi.
Páll Harðarson, forstjóri Kauphallarinnar, ásamt Sigrúnu Rögnu Ólafsdóttur, forstjóra VÍS, og Kristínu Jóhannsdóttur, upplýsingafulltrúa Kauphallarinnar, á fundinum í gær.
Ljósmynd: Haraldur Guðjónsson
Deila
Ríflega 100 konur létu sjá sig í kvennakokteil sem Kauphöllin, Félag kvenna í atvinnulífinu (FKA), VÍB og NASKAR Investment, sem er fjárfestingarfélag kvenna, blésu til þar sem konur komu saman og ræddu fjárfestingar og verðbréfamarkaðinn. Boðsgestir voru þær konur sem tóku þátt í könnun sem fram fór á vegum Kauphallarinnar í febrúar – eða konur í FKA og meistaranemar í Háskólanum í Reykjavík.
Kvennakokteillinn var liður í því að vekja athygli kvenna á því að líta líka til markaðarins í áformum þeirra um fjárfestingar og sparnað. Mikið rætt og skrafað en konur voru sammála um það að þau námskeið sem upp á yrði boðið á vegum VÍB væru mjög áhugaverð. Konur voru hvattar tll að taka með sér maka, vini og fleiri á námskeiðin.
Fyrsta námskeiðið verður haldið eftir Alþingiskosningar og heitir það „Árangur í ávöxtun – fyrstu skref á markaði og gagnlegar þumalputtareglur.“