Engar eignir fundust upp í 1.200 milljóna króna gjaldþrot félagsins H150, sem áður hét Háfell, en skiptum á félaginu var lokið í dag að því er kemur fram í Lögbirtingablaðinu. DV hefur fjallað um félagið Háfell og í frétt segir að eigandi Háfells sé Skarphéðinn Ómarsson.
Félagið var verktakafyrirtæki sem kom að stórum verkefnum líkt og Héðinsfjarðargöngum og tvöföldun Reykjanesbrautar. Svo virðist sem svipuð starfsemi sé í rekstri söma eiganda, en kona hans er skráð fyrir öðru félagi sem nýlega fór í gegnum nafnabreytingu og heitir nú Háfell. Hið nýja Háfell hefur meðal annars fengið samninga hjá Reykjavíkurborg.
