*

miðvikudagur, 29. janúar 2020
Innlent 20. nóvember 2015 13:00

1909, Múla og Hraðpeningar þurfa að greiða dagsektir

Neytendastofa krefur smálánafyrirtæki um 250.000 krónur í dagsektir.

Ritstjórn
Haraldur Guðjónsson

Neytendastofa hefur tekið ákvörðun að Neytendalán ehf. rekstraraðili smálánafyrirtækjanna 1909, Múla og Hraðpeningar skuli greiða 250.000 krónur í dagsektir.

Ástæðan er sú að fyrirtækin eru að krefja neytendur um kostnað sem er umfram lögbundið hámark, en málið snýr að útreikningi árlegrar hlutfallstölu kostnaðar en Neytendastofa segir að félagið hafi ekki farið að skýru ákvæði laga og banni Neytendastofu.

Fyrirtækið hefur 14 daga til að fara að ákvörðun Neytendastofu áður en sektirnar byrja að leggjast á, en innan sama tíma þarf félagið að kæra ákvörðunina til áfrýjunarnefndar ef það kýs að gera svo.

Ákvörðun Neytendastofu má lesa hér.

Stikkorð: Neytendastofa Smálán