Tekjuskattur nam alls 585 milljarðar króna árið 2022 en þar af runnu 306 milljarðar króna í útsvar til sveitarfélaga. Eftir standa 279 milljarðar sem renna til ríkissjóðs en 2/3 hluta tekna ríkissjóðs koma frá efstu tveimur tekjutíundunum, samkvæmt gögnum sem fjármálaráðuneytið birti í dag.
Efstu þrjár tekjutíundirnar skila ríkissjóði yfir 80% af tekjum sínum af tekjuskatti.
Útsvar er flatur skattur sem leggst jafnt á allar tekjur og jöfnunarhlutverk þess kemur í gegnum ríkið þegar það ábyrgist persónuafslátt til greiðslu útsvars.
Þannig greiddi ríkissjóður útsvar fyrir einstaklinga til fulls upp að 2.057.208 kr árstekjum og að hluta með árstekjum upp að 3.805.826 kr.
Tekjuhæsti hópurinn fær 28% af heildartekjum
Efri helmingur tekjustigans greiðir um 82,5% gjalda sem lögð eru á framteljendur.
Á efstu tekjutíundina, sem fær 28% af heildartekjum er álagður skattur 35% af heildarsköttum og borgar sú tíund að meðaltali 3,2 milljónir króna í tekjuskatt, 2,4 milljónir króna í útsvar og 1,2 milljónir króna í fjármagnstekjuskatt.
Sem hlutfall af heildarstofni tekjuskatts greiðir efsta tíundin 39%, 23% alls útsvars og 83% af öllum fjármagnstekjuskatti.
Neðri fimm tekjutíundirnar greiða samanlagt 13% af heildarútsvari og 4% af öllum tekjuskatti eða alls 17,5%.