Meirihluti svarenda í skoðanakönnun Prósents er óánægður með áform Landsbankans um kaup á Tryggingarmiðstöðinni.
Spurt var „Hversu ánæg/ð/ður/t) eða óánæg(ð/ður/t) eru með áform Landsbankans um kaup á tryggingarfélaginu TM?“
55% svarenda sögðust óánægð með áformin, 32% svöruðu hvorki né en aðeins 13% sögðust vera ánægð.
Þegar litið er á afstöðu svarenda með tilliti til aldurs er mest óánægja hjá aldurshópnum 35 til 44 ára, en 66% þeirra er óánægður með kaupin.
Minnst óánægja er hjá þeim sem eru 18 til 24 ára, eða 33%.
Karlar frekar ánægðir en konur
Aðeins 7% kvenna sögðust ánægðar með kaupin, 60% kvenna sögðust óánægðar með kaupin en 33% svöruðu hvorki né.
Karlar eru ánægðari en 18% þeirra sögðust ánægðir með kaupin, 49% sögðust óánægðir en 32% svöruðu hvorki né.
Könnunin var gerð 20. febrúar til 27. mars og var netkönnun meðal könnunarhóps Prósents. Úrtakið taldi 1900 manns og var svarhlutfall 51%.