Atlantis Group hf. hefur skipt á öllum hlutabréfum í dótturfyrirtæki sínu Kali Tuna d.o.o. fyrir hluti í fyrirtækinu Lions Gate Lightning Corp. Fyrirtækið Kali Tuna d.o.o. er sjávarútvegsfyrirtæki sem var að fullu í eigu Atlantis Group hf. en Lions Gate Lightning Corp er fyrirtæki á bandarískum markaði.
Lions Gate Lighting Corp áformar að breyta nafni sínu í Umami Sustainable Seafood Inc. eins fljótt og auðið er. Óli Steindórsson verður stjórnarformaður og framkvæmdastjóri fyrirtækisins Umami. Óli hefur 15 ára reynslu í fiskiðnaði og hefur verið forstjóri Kali Tuna frá árinu 2005 og stjórnarformaður Atlantis Group frá árinu 2004.
