Verðlagningu vegna verðbreytinga áfengis 1. nóvember næstkomandi er lokið og mun áfengi hækka að meðaltali um 5,25% um þessi mánaðamót.
Verð breytist á rúmlega helmingi þess áfengis sem er í boði í Vínbúðunum.
Þetta kemur fram í tilkynningu ÁTVR.
Í tilkynningunni kemur fram að gengisbreytingar undanfarið hafa ekki eins mikil áhrif til hækkunar á útsöluverði áfengis og margir hafa búist við.
„Ástæðan er sú að áfengisgjöld, sem vega þungt í útsöluverðinu, breytast ekki. Þá er álagningarprósenta ÁTVR óbreytt,“ segir í tilkynningunni.