„Ég tók við sem bankastjóri Íslandsbanka með mjög skýra sýn á uppbyggingu bankans. Við setturm okkur strax skýr og mælandleg markmið,“ segir Birna Einarsdóttir, bankastjóri Íslandsbanka. Hún er áhrifamesta konan í atvinnulífinu um þessar mundir.
Áhrifamestu konur Íslands koma úr ólíkum geirum. Flestar stýra þær stórum fyrirtækjum eða sitja í stjórnum félaga. Listinn var settur saman af stórum hópi álitsgjafa og ritstjórn Viðskiptablaðsins og er hann birtur blaðinu Áhrifakonur, sem fylgdi Viðskiptablaðinu í síðustu viku.
Svona lítur listinn yfir 10 áhrifamestu konurnar út:
- Birna Einarsdóttir, bankastjóri Íslandsbanka.
- Guðbjörg Matthíasdóttir, útgerðar- og athafnakona
- Ragna Árnadóttir, aðstoðarforstjóri Landsvirkjunar
- Hanna Birna Kristjánsdóttir, varaformaður Sjálfstæðisflokksins
- Rannveig Rist, forstjóri Rio Tinto Alcan á Íslandi
- Sigrún Ragna Ólafsdóttir, forstjóri VÍS
- Guðbjörg Edda Eggertsdóttir, forstjóri Actavis á Íslandi
- Katrín Olga Jóhannesdóttir, stjórnarformaður Já.
- Janne Sigurðsson, forstjóri Fjarðaráls
- Ingibjörg Pálmadóttir, aðaleigandi 365 miðla
Nánar er fjallað um málið í blaðinu Áhrifakonur sem fylgdi Viðskiptablaðinu á fimmtudaginn. Áskrifendur geta nálgast pdf-útgáfu af blaðinu með því að smella á hlekkinn Tölublöð .
