FlyOver Iceland, sem opnaði 29. ágúst sl., hefur ráðið Birnu Lind Björnsdóttir sem sölustjóra. Líkt og nafnið gefur til kynna er FlyOver Iceland sýndarflugsýning þar sem gestum er boðið í ferðalag yfir náttúru Íslands. Fyrirtækið greinir frá ráðningu Birnu í fréttatilkynningu.
Birna Lind hefur starfað í ferðaþjónustu í yfir 30 ár. Hún var framkvæmdastjóri og meðeigandi Travel East, ferðaskrifstofu sem skipuleggur ferðir á Austurlandi. Þar áður var hún sölu-og markaðsstjóri Norðursiglingar á Húsavík. Frá árunum 2004-2008 var hún forstöðumaður markaðs-og söludeildar Kynnisferða. Birna hefur tekið þátt í mörgum uppbyggingarverkefnum og þar að auki starfað sem kennari hjá Mími Símennt.
Birna Lind hefur einnig setið í faghópi afþreyingarnefndar SAF og í stjórn Markaðsstofu Norðurlands.