BNT-samstæðan, sem á N1 hf. og fasteignafélagið Umtak, skuldar að minnsta kosti um 60 milljarða króna, samkvæmt síðustu birtu efnahagsreikningum félaganna.
Móðurfélagið BNT skuldaði 9,5 milljarða króna, að mestu í erlendum gjaldmiðlum, í lok árs 2007. Félagið hefur ekki birt ársreikninga fyrir árin 2008 né 2009. N1 skuldaði 19,3 milljarða króna í lok júní síðastliðins og skuldir Umtaks námu 27,2 milljörðum króna um síðustu áramót.
Endurskipulagning BNT verður eitt helsta verkefni fyrirtækjasviðs Íslandsbanka í haust samkvæmt heimildum Viðskiptablaðsins. Hluti lána BNT eru þegar gjaldfallin, lán til Umtaks féllu nýverið í gjalddaga og stór skuldabréfaflokkur N1 er á gjalddaga í maí á næsta ári.
-Nánar er fjallað um fjárhagsstöðu félaganna í Viðskiptablaðinu sem kemur út í fyrramálið.
Meðal annars efnis í Viðskiptablaðinu á morgun er:
- Slitastjórn Glitnis hefur ákveðið að hefja á annan tug riftunar- og skaðabótamála
- Innlend fjárfesting dróst saman um 50% árið 2009
- Rio Tinto Alcan og Landsvirkjun fjárfesta fyrir um 80 milljarða á Íslandi
- Tveir þriðju hluta af innborguðu hlutafé Pressunnar kom frá VÍS
- Íbúðalánasjóð vantar 30-45 milljarða króna samkvæmt AGS
- Mikið afrek að endurreisa Ísland - Viðtal við Mark Flanagan
- Lán til stofnfáreigenda Byrs lengd um eitt ár
- FIH hagnast vel á Pandoru
- Netmiðlar birta helmingi fleiri fréttir en hefðbundnir miðlar samanlagt
- Sport og peningar: KSÍ að selja svikna vöru