Hagnaður auglýsingastofunnar Brandenburg nam 61 milljón króna á síðasta rekstrarári og dróst hagnaðurinn saman um 11 milljónir frá árinu 2018. Tekjur stofunnar námu 614 milljónum króna en árið áður námu þær 678 milljónum. Eignir námu 107 milljónum í árslok 2019 og eigið fé 62 milljónum króna.
Laun og launatengd gjöld námu 337 milljónum króna, en 32 manns störfuðu að meðaltali hjá stofunni í fyrra. Ragnar Vilberg Gunnarsson er framkvæmdastjóri Brandenburg og á hann jafnframt fjórðungshlut í stofunni.
