Umferð dregst saman á talningarstöðum Hringvegar
Enn dregur til muna úr umferð á þeim 14 talningarstöðum sem bornir eru saman á Hringvegi.
Meðalumferðin í október 2008 var 9% minni en á sama tíma árið 2007 og 4,4% minni en fyrir tveimur árum, eða árið 2006.
Þetta kemur fram á vef Vegagerðarinnar.
Ef farið er enn lengra aftur í tímann er meðalumferðin í október þó 9,4% meiri en í sama mánuði árið 2005.
Þá kemur fram að ef horft er til staðsetningar teljara eftir landshlutum og borin er saman meðalumferð í október 2007 og 2008 má sjá að samdrátturinn er í öllum landshlutum:
- Suðurland -10,9%
- Höfuðborgarsvæðið -6,7%
- Vesturland -11,4%
- Norðurland -16,2%
- Austurland -9,3% (ath. aðeins einn teljari á bak við þessa tölu)