Glitnir og Kaupþing lánuðu Eglu Invest BV., hollensku félagi í eigu Ólafs Ólafssonar, tugi milljarða króna á árinu 2008 gegn veðum í bréfum hans í Kaupþingi. Nú er staðfest að ekkert mun fást upp í þá skuld.
25 milljarða skuld Eglu Invest BV, við Glitni og Kaupþing mun aldrei verða greidd. Egla Invest, sem er skráð í Hollandi, var í eigu Ólafs Ólafssonar og fékk upphæðirnar lánaðar á árinu 2008 til að borga upp lán hjá Citibank sem sætti veðkalli.
Það lán hafði verið veitt til Ólafs til að endurfjármagna hlutabréfaeign hans í Kaupþingi. Einu veðin sem íslensku bankarnir tóku voru í bréfunum sjálfum. Þar sem þau eru nú verðlaus mun skuldin, sem liggur hjá skilanefndum bankanna, aldrei verða greidd.
-Nánar er fjallað um mál Eglu Invest í Viðskiptablaðinu á morgun .
Meðal annars efnis í Viðskiptablaðinu á morgun er:
- Hagstæðari Icesave niðurstaða í sjónmáli
- Horfði á hryllingsmyndina verða til: Viðtal við Tryggva Pálsson, framkvæmdarstjóra fjármálasviðs Seðlabankans
- PWC rannsakar Byr
- Úrræði bankanna við að taka á skuldavanda krufinn
- Miðvörður ehf, félag í eigu starfsmanna SpKef, gjaldþrota
- Dress up games greiddi yfir 100 milljónir í arð
- Fjárlögin 2011 í máli og myndum
- Sérblað um tölvur og tækni
- Iceland Airwaves glæðir efnahagslífið
Og margt, margt fleira..