Uppfært : Upphaflega stóð í fyrirsögn að Michael Jenkins væri eigandi í Fréttatímanum. Það er ekki rétt og hefur verið leiðrétt. Sjá hér.
Bandaríski fjárfestirinn Michael Jenkins, hefur í gegnum fjárfestingarfélag Þórsgarð og með meðeigendur sínum tekið þátt í gjaldeyrisútboðum Seðlabankans og skipt erlendum gjaldeyri fyrir krónur. Félagið hefur keypt fasteignir hér á landi fyrir á annan milljarð króna og ætlar að halda því áfram.
Þetta staðfestir Valdís Fjölnisdóttir, annar framkvæmdastjóri Þórsgarðs og stór hluthafi í félaginu. Jenkins á helmingshlut í Þórsgarði á móti Valdísi og Eygló R. Agnarsdóttur.
Á meðal eigna Þórsgarðs í Reykjavík eru Kirkjuhvoll, Templarasund 3 sem er á næsta horni og Kaaber-húsið þar sem Fréttatíminn, Fíton auglýsingastofa og Þórsgarður eru til húsa. Auk þess á hann íbúðablokkir í Garðabæ, Hafnarfirði og í Kópavogi.
Nánar er fjallað um fasteignaviðskipti Jenkins í Viðskiptablaðinu sem kemur út í fyrramálið.
Á meðal efnis í Viðskiptablaðinu á morgun er:
- Stjórnendur Össurar fá kauprétt í félaginu
- Klakki gerir sátt við Kaupþing um milljarðaskuldir frá tímum Existu
- Kvótafrumvörp keyra niður veðsetningarhlutfall á skuldabréfi nýja Landsbanks
- Allir geta nálgast gögn Rannsóknarnefndar Alþingis
- Lífeyrissjóður hjúkrunarfræðinga og LSR náðu ekki viðmiðum sínum
- Aðskilnaður viðskiptabanka og fjárfestingarbanka
- Margrét Guðmundsdóttir hjá Icepharma í ítarlegu viðtali
- Allt um nýja, flotta og kraftmikla bíla
- Prjónastæðið í 101 Reykjavík
- Hver er veiðisjúklingurinn Vilmundur Jósefsson?
- Huginn og muninn eru á sínum stað, ásamt Tý sem fjallar um fundahöld forsætisráðherra
- Óðinn fjallar um nauðsynlegustu hliðar kvótafrumvarpanna
- Leitað að ástæðum fyrir miklum vinsældum Snaps
- Myndasíður, umræður, aðsendar greinar og margt, margt fleira...