Einar Þór Magnússon hefur verið ráðinn framkvæmdastjóri Ormsson. Hann tekur við starfinu af Andrési B. Sigurðssyni, sem hefur starfað hjá Ormsson í 20 ár. Einar hefur verið fjármálastjóri Ormsson síðustu tíu ár.
Fram kemur á vef Ormsson að áður en Einar kom til starfa hjá fyrirtækinu árið 2003 var hann fjármálastjóri hjá Fiskafurðum útgerð og Eimskipi. Einar tók við starfinu hjá Ormsson í dag.
Einar Þór Magnússon er stúdent frá Verzlunarskóla Íslands og útskrifaðist sem Cand Oecon frá Háskóla Íslands árið 1994. Hann er kvæntur Elínu Haraldsdóttur keramikhönnuði og saman eiga þau þrjú börn.
Á vef Ormsson er haft eftir Árna Þór Árnasyni,stjórnarformanni Ormsson, í tengslum við ráðning Einars að framundan eru spennandi verkefni með eldri vel þekktum vörumerkjum eins og AEG og HTH og ekki síður með Samsug, einu öflugasta vörumerkinu í sjónvörpum, hljómtækjum, fartölvum.
