*

miðvikudagur, 4. ágúst 2021
Innlent 2. maí 2013 08:16

Elsta borð landsins á Bessastöðum

Borðið sem ríkisstjórnir landsins setjast við á Bessastöðum er talið vera um 400 ára gamalt.

Ritstjórn
Ríkisstjórnir landsins hafa í gegnum tíðina setið við eikarborðið.
Birgir Ísl. Gunnarsson

Gamla eikarborðið sem formenn flokkanna settust við á fundum sínum með forseta Íslands í vikunni er með elstu borðum landsins. Í Morgunblaðinu í dag segir um borðið að það hafi verið keypt til landsins ásamt öðrum húsmunum frá Bretlandi í tíð Sveins Björnssonar, ríkisstjóra Íslands og fyrsta forseta landsins. Pétur Benediktsson, sendiherra í Lonon, hafði milligöngu um kaupin á borðinu, sem hefur verið notað á Bessastöðum allan lýðveldistímann.

Í Morgunblaðinu segir að borðið er sterklega byggt og vel með farið. Búið er að aldursgreina borðið og talið að það sé hátt í 400 ára gamalt. 

Blaðið segir sögu eikarborðsins hins vegar ekki þekkta, s.s. sé ekki vitað hvort það hafði áður verið á óðalssetri eða breskri knæpu.