*

mánudagur, 30. nóvember 2020
Erlent 23. september 2020 07:47

Englandsbanki styður framhald bóta

Seðlabankastjóri Bretlands segist opinn fyrir framlengingu sértækra atvinnuleysisbóta eða annarra inngripa.

Ritstjórn
Andrew Bailey, seðlabankastjóri Bretlands.
epa

Englandsbanki hefur kallað eftir því að bresk stjórnvöld endurhugsi tímabundnar atvinnuleysisbætur vegna launalauss leyfis þarlendra fyrirtækja, sem verið hafa í boði vegna heimsfaraldursins. BBC segir frá.

Til stendur að úrræðið – sem er hugsað til að koma í veg fyrir uppsagnir – renni út í lok næsta mánaðar. Áhyggjuraddir óttast stóraukið atvinnuleysi í kjölfarið.

Andrew Bailey, Seðlabankastjóri Bretlands, sagði á fjarráðstefnu í gær að tilteknar atvinnugreinar gætu þurft frekari aðstoð, en í síðasta mánuði lét hann hafa eftir sér að hann styddi það að úrræðinu yrði leyft að renna út.

Ríkið ætti frekar að aðstoða þá sem kynnu að missa vinnuna en að viðhalda óhagkvæmum störfum. Á ráðstefnunni í gær sagðist hann opinn fyrir frekari inngripum.