Donald Trump Bandaríkjaforseti tilkynnti seint í gærkvöldi að hann hyggðist hækka núverandi tolla og bæta við nýjum á kínverskar vörur. Kom tilkynningin í kjölfar þess að hann varaði bandarísk fyrirtæki við fyrr um daginn og sagði þau þurfa að yfirgefa Kína.
Í röð tísta sem forsetinn sendi frá sér sagðist hann ætla að hækka núverandi tolla sem eru á innflutning fyrir andvirði 250 milljarða Bandaríkjadala úr 25% í 30% þann 1. október næstkomandi. Jafnframt sagðist hann ætla að hækka tolla á 300 milljarða dala innflutning til viðbótar sem á að taka gildi 1. september næstkomandi úr 10% í 15%.
...Additionally, the remaining 300 BILLION DOLLARS of goods and products from China, that was being taxed from September 1st at 10%, will now be taxed at 15%. Thank you for your attention to this matter!
— Donald J. Trump (@realDonaldTrump) August 23, 2019
Var tilkynningin rúsínan í pylsuendanum á róstursömum degi á fjármálamörkuðum heims, sem hófst með tilkynningu frá Kínverjum um að þeir myndu setja ný gjöld á anvirði 75 milljarða dala innflutning bandarískra vara.
Að auki varaði Jay Powell seðlabankastjóri Bandaríkjanna við að því að bankanum væri ófært um að grípa til aðgerða sem myndu vega upp afleiðingar tolladeilna Kína og Bandaríkjanna.
....My only question is, who is our bigger enemy, Jay Powell or Chairman Xi?
— Donald J. Trump (@realDonaldTrump) August 23, 2019
Það fór aftur ekki vel í Trump sem kallaði Powell „óvin“ vegna þess að hann væri ekki tilbúinn að lækka vexti og sagðist hann í framhaldinu skipa bandarískum fyrirtækjum að leita leiða til að loka starfsemi sinni í Kína.
„Við þurfum ekki Kína og í sannleika sagt, værum við mun betur stödd án þeirra,“ tísti Trump. „Okkar frábæru bandarísku fyrirtækjum er hér með skipað að byrja strax að leita að valkostum við Kína, þar með talið að flytja fyrirtækin HEIM og framleiða vörur ykkar í BANDARÍKJUNUM.“
Our Country has lost, stupidly, Trillions of Dollars with China over many years. They have stolen our Intellectual Property at a rate of Hundreds of Billions of Dollars a year, & they want to continue. I won’t let that happen! We don’t need China and, frankly, would be far....
— Donald J. Trump (@realDonaldTrump) August 23, 2019
Í framhaldinu hrundu hlutabréf í virði, til að mynda lækkaði S&P 500 vísitalan um 2,59%, Dow Jones vísitalan um 2,37% og Nasdaq Composite vísitalan um 3%. Á sama tíma flykktust fjárfestar í bandarísk ríkisskuldabréf og lækkaði ávöxtunarkrafan á tveggja ára bréfin um 10 punkta á tímabili, eða niður í 1,51%, og ávöxtunarkrafan á 10 ára skuldabréf lækkaði niður fyrir það.
Er þetta í fjórða sinn í þessum máli sem ferill ávöxtunarkröfunnar hefur orðið neikvæður , sem hefur gerst í aðdraganda þess að kreppa hefur skollið á í Bandaríkjunum í hvert eina skipti síðustu 50 árin. „Eina spurning mín er, hver er stærri óvinur, Jay Powell eða Xi formaður?“ tísti Trump jafnframt og vísaði þar í forseta Kína, Xi Jinping.
Segist vera útvalinn til að takast á við Kína og sigurinn sé á leiðinni
Loks mæltist Trump til þess að bandaríski pósturinn, sem og FexEx, UPS og Amazon myndu leita og hafna póstsendingum sem innihéldu ópíumafurðina fentanyl frá Kína, og sagði hann að stjórnvöld í landinu hefðu ekki staðið við loforð um að stöðva slíkar sendingar.
....all deliveries of Fentanyl from China (or anywhere else!). Fentanyl kills 100,000 Americans a year. President Xi said this would stop - it didn’t. Our Economy, because of our gains in the last 2 1/2 years, is MUCH larger than that of China. We will keep it that way!
— Donald J. Trump (@realDonaldTrump) August 23, 2019
Fulltrúar stjórnvalda í Bandaríkjunum hafa sagt að þeir búist enn við að hitta fulltrúa Kína í september til að ræða tolladeilurnar þó enn sé óvíst hvort af þeim verður að því er FT segir frá.
Trump virðist þó vera enn ákveðnari, því á miðvikudag sagði hann „Ég er hinn útvaldi. Einhver þurfti að gera það,“ lét hann hafa eftir sér. „Ég er að takast á við Kína í viðskiptum. Og vitiði hvað? Við erum að sigra.“
When I looked up to the sky and jokingly said “I am the chosen one,” at a press conference two days ago, referring to taking on Trade with China, little did I realize that the media would claim that I had a “Messiah complex.” They knew I was kidding, being sarcastic, and just....
— Donald J. Trump (@realDonaldTrump) August 24, 2019