Eva Laufey Kjaran Hemannsdóttir, markaðs- og upplifunarstjóri Hagkaups, segir efnissköpun skipta mestu máli þegar það kemur að því að fara í samstarf með áhrifavöldum. Að hennar mati geta áhrifavaldar verið góð leið til kynna nýjar vörur svo dæmi séu tekin en Hagkaup setur þó enn mestan þunga í hefð bundnara markaðsstarf.
Eva Laufey tók við sem markaðs- og upplifunarstjóri Hagkaups árið 2022 en sem hluti af stefnu félagsins að bæta upplifun viðskiptavina en hún situr einnig í framkvæmdastjórn Hagkaups. Spurð um hvað felst í hennar daglegu störfum segir Eva Laufey starfið mjög fjölbreytt.
„Mitt starf felst í því að stýra markaðsstarfi félagsins, að setja stefnuna, leiða teymið í þá átt sem við ætlum okkur og halda utan um þá áætlun. Það er fjölmargt sem felst í þessu starfi, enginn einn dagur eins sem gerir starfið enn skemmtilegra. Almennt markaðsstarf, halda utan um plön, birtingaráætlanir, samskipti við markaðsstofur auk þess að vera statt og stöðugt að finna leiðir til að bæta upplifun viðskiptavina ásamt því að samræma að upplifun þeirra sé sú sama hvort sem það er í verslun eða á vefnum,“ segir Eva Laufey sem situr jafnframt í framkvæmdastjórn Hagkaups.
Eva Laufey hefur víðtæka reynslu af fjölmiðlun og markaðsmálum en hún var dagskrárgerðarmaður á Stöð 2 í næstum áratug.
Nánar er fjallað um málið í SVÞ blaði Viðskiptablaðsins. Áskrifendur geta nálgast viðtalið við Evu Laufeyju í heild sinni hér.
