*

mánudagur, 1. mars 2021
Innlent 23. febrúar 2021 11:50

Fimmtíu manns mega koma saman

Veitingastaðir fá að hafa opið til ellefu á kvöldin og allt að 200 manns mega koma saman á íþrótta- og sviðslistaviðburðum.

Ritstjórn
Svandís Svavarsdóttir heilbrigðisráðherra
Haraldur Guðjónsson

Fjöldatakmarkanir á samkomum verða rýmkaðar úr 20 í 50 manns en Svandís Svavarsdóttir heilbrigðisráðherra tilkynnti þetta eftir fund ríkisstjórnarinnar í morgun. Leyfilegur opnunartími veitingastaða verður lengdur til klukkan 23 en þeir mega taka við nýjum gestum til klukkan tíu á kvöldin, samkvæmt frétt Vísis. Nýju samkomutakmarkanirnar taka gildi á morgun. 

Alls munu 200 manns fá að koma saman á viðburði í sviðslistum og íþróttaviðburðum þar sem hægt er að tryggja að fólk sé í sæti og að eins metra bils sé á milli fólks. Þá mega 150 manns koma saman í hverju rými í háskólum og framhaldsskólum. 

Hlutfall þeirra sem mega koma saman í sundlaugum og líkamsræktum verður einnig hækkaður úr 50% í 75% af hámarksfjölda.