*

miðvikudagur, 1. apríl 2020
Innlent 12. febrúar 2020 08:09

Flugfargjöld lækkað síðustu tvo mánuði

Á meðan flugfargjöld til útlanda hafa lækkað um 9 og 10% síðustu tvo mánuði hefur verð á fargjöldum innanlands hækkað 14 mánuði í röð.

Ritstjórn
Haraldur Guðjónsson

Flugfargjöld til útlanda sem undirliður í vísitölu neysluverðs lækkuðu um 9 og 10% í desember og janúar síðastliðnum. Fjóra mánuðina þar á undan höfðu flugfargjöld hækkað nokkuð lítillega eða um 1-6% eftir að hafa lækkað um 12 og 14% í bæði júlí og ágúst á síðasta ári. 

Eins og Viðskiptablaðið fjallaði um í september síðastliðnum hækkaði verð á flugfargjöldum til útlanda töluvert frá apríl til júní á síðasta ári eftir fall WOW air en þar á undan höfðu flugfargjöld lækkað 42 mánuði í röð eða frá október 2015. 

Sömu lækkunarsögu er hins vegar ekki að segja af flugfargjöldum innanlands sem undirlið í vísitölu neysluverðs en þau hafa nú hækkað 14 mánuði í röð eða frá því í desember árið 2018. 

Stikkorð: Flugfargjöld