Flugvélin sem leitað hefur verið undanfarnar klukkustundir í nágrenni Akureyrar er fundin.
Samkvæmt fréttatilkynningu frá Slysavarnarfélaginu Landsbjörgu fannst flugvélin á Tröllaskaga og er verið að flytja þá tvo sem voru í vélinni á sjúkrahús. Ekki er greint frá ástandi þeirra.
Vélin átti að lenda í Keflavík klukkan 16:20 en ekkert bólaði á henni.
Í kjölfarið hófst víðtæk leit að henni og tóku báðar þyrlur Landhelgisgæslunnar þátt í leitinni auk björgunarsveita á Suður-, Vestur- og Norðurlandi.