Í fréttatilkynningu frá Opnum kerfum kemur fram Elín Þórðardóttir hefur verið ráðin forstjóri Opinna Kerfa Group hf. frá og með 1. nóvember. Jafnframt mun Elín gegna starfi stjórnarformanns í dótturfélögum Opinna Kerfa Group, Kerfi AB í Svíþjóð og Kerfi AS í Danmörku.
Elín hefur undanfarin misseri komið að ýmsum verkefnum hjá Dagsbrún og Eimskipum auk ráðgjafar fyrir ma CCP. Áður starfaði Elín m.a hjá Ísl. Erfðagreiningu.
Elín situr í stjórn ýmissa fyrirtækja svo sem Landic property og Nikita.
Elín er rekstrahagfræðingur að mennt frá háskólanum í Álaborg í Danmörku og lauk Cand Merc frá sama skóla.
Elín er gift Alberti Jónssyni og eiga þau tvö börn. Elín tekur við starfinu af Gylfa Árnasyni.