Almannatenglafyrirtækið KOM hagnaðist í fyrra um 9,6 milljónir króna, samanborið við 2,5 milljónir króna árið áður. Eigið fé fyrirtækisins var í árslok 2012 tæpar 19 milljónir króna, samanborið við 11,4 milljónir króna árið áður. Skuldir þess námu í árslok 12,7 milljónum króna.
Eigendur KOM eru hjónin Jón Hákon Magnússon og Áslaug G. Harðardóttir. Í ársreikningi fyrirtækisins er lagt til að greiddur verði út 3,9 milljóna króna arður vegna rekstursins árið 2012 en félagið greiddi tvær milljónir króna í arð í fyrra.
