Leiðandi hagvísir Analytica (e. composite leading indicator) hækkaði um 0,4% í febrúar en um er að ræða sjötta hækkunarmánuðinn í röð. Hagvísirinn bendir til aukins hagvaxtar á fyrri árshelmingi. Þetta kemur fram í tilkynningu .
Líkt og áður eru það fjölgun ferðamanna og aukning fiskafla sem leiða hækkunina. Auk óvissu á vinnumarkaði hér á landi þá eru áfram áhættuþættir í ytra umhverfi einkum tengdir stöðunni í alþjóðastjórnmálum.
Hagvísirinn er vísitala sem gefur vísbendingu um efnahagsumsvif að sex mánuðum liðnum. Það er hlutverk vísitölunnar að veita skýra sýn á efnahagshorfur og vara tímanlega við viðsnúningi í efnahagsumsvifum. Vísitalan er reiknuð á grundvelli sömu aðferðafræði og annars staðar þar sem sambærilegar vísitölur eru reiknaðar en sérstaklega er tekið mið af verklagi OECD.
