Árni Páll Árnasonar, formaður Samfylkingarinnar, sagði í viðtali í gærkvöldi að hann nærði með sér efasemdir um Evrópusambandið og evruna. Ef eitthvað hefðu þær efasemdir farið vaxandi í seinni tíð.
Viðtal Páls Magnússon fyrrverandi útvarpsstjóra við Árna Pál var sýnt á sjónvarpsstöðinni Hringbraut. Það er ekki aðgengilegt á vef stöðvarinnar.
Árni sagði að horfa yrði til þess að ef Íslendingum byðist eitthvað betra en innganga í Evrópusambandið, til þess að auka hagsæld og lífsgæði þjóðarinnar, væri eðlilegt að skoða það.
Árni sagði Ísland þegar vera aðili að allri helstu löggjöf sambandsins og hugsanlega þyrftu Íslendingar ekki á afganginum að halda ef annað betra væri í boði.
Þjóðin nyti þegar margra helstu kosta þess að ganga í Evrópusambandið í gegnum aðildina að Evrópska efnahagssvæðinu (EES).
