*

þriðjudagur, 25. júní 2019
Innlent 14. desember 2016 18:12

Heilbrigðisútgjöld jukust um 15 milljarða

Á fyrstu tíu mánuðum ársins jukust útgjöld til heilbrigðis- og menntamála um nálega 20 milljarða samanlagt auk annarrar aukningar.

Ritstjórn
Haraldur Guðjónsson

Almenn opinber þjónusta hækkaði um 4,9 milljarða króna milli ára eða 10,9%, að því er fram kemur í skýrslu fjármálaráðuneytisins um greiðsluafkomu ríkissjóðs fyrstu tíu mánuði ársins.

Hækkaði þar af almenn fjárframlög til sveitarfélaga um 2,1 milljarð króna. Útgjaldaaukning vegna samgöngumála nam 1,2 milljörðum króna.

137,1 milljarður til heilbrigðismála

Útgjöld til heilbrigðismála jukust um 15,1 milljarða króna eða um 12,4% og námu þau 137,1 milljarði króna á tímabilinu.

Þar af jókst sjúkrahúsþjónusta um 6,8 milljarða króna, sem er 12,9% aukning.

51,4 milljarðar til menntamála

Útgjöld til menntamála hækkuðu um 4,2 milljarða króna, eða 8,8% á milli ára, og námu þau 51,4 milljörðum króna á tímabilinu.

Jukust bæði framlög til framhaldsskóla, sem fengu 1,6 milljörðum króna meira og svo háskólar sem fengu 2,1 milljörðum meira, eða sem nemur 8,4% og 8,7% aukningu.

121,1 milljarður í velferðarmál

Fimm milljörðum króna meira var sett í almannatryggingar og velferðarmál sem þýðir 4,3% aukningu og námu útgjöld til þeirra 121,1 milljarði króna á tímabilinu.

Jukust þar af lífeyristryggingar um 4,3 milljarða króna og svo jukust örorkubæturnar um 4,6 milljarða króna milli ára.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is