Hlutir Novator, eignarhaldsfélags sem er að mestu í eigu Björgólfs Thor Björgólfssonar, í lyfjafyrirtækinu Actavis hafa hækkað um tæp 45% frá því að hann var afhentur í maí 2013. Novator á um 5 milljónir hluta í Actavis í gegnum félagið NDS. Virði hlutanna nemur um 92 milljörðum króna.
Actavis kynnti uppgjör sitt fyrir þriðja ársfjórðung á þriðjudag í þessari viku. Þar kom meðal annars fram að tekjur félagsins jukust um 57% frá þriðja ársfjórðungi síðasta árs. Hagnaður á hlut hækkaði að sama skapi um 55% í 2,09 dali samanborið við 1,35 dali á þriðja ársfjórðungi í fyrra. Hagnaður félagsins lækkaði um 14% á milli ára en EBITDA hagnaður Actavis jókst um 61% á milli ára og nam 489 milljónum Bandaríkjadala á þessum ársfjórðungi.
Rétt er að taka fram að Björgólfur Thor mun ekki geta selt hlutina fyrr en vorið 2015.
Nánar er fjallað um málið Í Viðskiptablaðinu, sem kemur út á morgun. Meðal annars efnis í blaðinu er:
- Stangveiði skilar mörgum milljörðum fyrir þjóðarbúið
- Hluthafar í Latabæ hafa ákveðið að slíta einu dótturfélagi þess, Latabæ Productions
- Eigið fé Straumborgar er neikvætt um 22 milljarða. Félagið leitar nýrra nauðasamninga
- Nýtt frumvarp gerir ráð fyrir að opinberir aðilar greini frá öllu sem kostar yfir 150 þúsund krónur
- Leiguverð hefur hækkað umfram fasteignaverð
- Verðstríð er mögulegt á smásölumarkaði
- Hagnaður Icelandair er umfram væntingar greiningaraðila
- Bæjarstjórinn á Blönduósi er bjartsýnn á byggingu nýs gagnavers
- Skuldir Símans lækka um helming
- Í ítarlegu viðtali ræðir Kjartan Ólafsson um fyrirtæki sem hann stofnaði fyrir þremur árum í New York með félögum sínum og heitir Basno
- Alþjóðagjaldeyrissjóðurinn hefur áhyggjur af vaxtakjörum litilla og meðalstórra fyrirtækja
- Orkuveita Reykjavíkur fær ekki lengri frest til að skipta fyrirtækinu upp
- Hanna Birna Kristjánsdóttir flýtir endurskoðun laga um erlenda fjárfestingu
- Laddi fór á kostum í fyrirlestri hjá Stjórnvísi
- Eva Dögg Sigurgeirsdóttir segir frá Tískubókinni sinni
- Nærmynd af Margréti Einarsdóttur, starfandi stjórnarformanni Fjármálaeftirlitsins
- Huginn & Muninn eru á sínum stað auk Týs sem að þessu sinni fjallar um Reykjavíkurflugvöll
- Óðinn skrifar um gjaldeyrishöftin og stöðu ríkissjóðs
- Þá eru í blaðinu pistlar og margt, margt fleira