Úrvalsvísitalan lækkaði í dag um 0,8% og stóð við lok markaða í 377 stigum samkvæmt Markaðsvaktinni.
Úrvalsvísitalan lækkaði um 2,1% gær og hefur nú lækkað um 42,2% í vikunni.
Á markaðssíðu vb.is má sjá helstu breytingar einstakra félaga en aðeins tvö félög, Marel og Alfesca hækkuðu í dag.
Exista hélt áfram að lækka og lækkaði um 16,7% í dag og hefur því lækkað um 98,9% í vikunni og 99,75% frá áramótum.
Viðskipti með bréf í Existu og Straum voru heimiluð á ný á þriðjudag eftir tveggja mánaða stöðvun Fjármálaeftirlitsins með bréfin. Straumur lækkaði um 63,3% í vikunni og hefur lækkað um 82,1% frá áramótum.
Heildarvelta með hlutabréf var í dag um 140 milljónir króna en þar af voru rúmar 45 milljónir króna með bréf í Marel.
Þá var velta fyrir rúmar 44 milljónir króna með bréf í Straum og rúmar 39 milljónir króna með bréf í Össur.