Ný stjórn Samtaka gagnavera (DCI) hefur tekið til starfa. Í stjórninni eru Jóhann Þór Jónsson hjá Advania Data Centers sem er formaður stjórnar, Dominic Ward hjá Verne Global og Björn Brynjúlfsson hjá Borealis Data Center. Þetta kemur fram í fréttatilkynningu frá Samtökum iðnaðarins.
DCI (Data Centers Iceland) er starfsgreinahópur innan Samtaka iðnaðarins sem hefur þann tilgang að vinna að stefnu og hagsmunum rekstraraðila gagnavera á Íslandi. Samtökin voru stofnuð 2012. Fyrirtækin sem eru í samtökunum eru átta talsins:
- Advania Data Centers ehf.
- Borealis Data Center ehf.
- Fjarskipti hf.
- Nýherji hf.
- Opin kerfi hf.
- Sensa ehf.
- Síminn hf.
- Verne Holdings ehf.