*

miðvikudagur, 14. apríl 2021
Innlent 6. mars 2021 17:02

Juku hlutafé fyrir sameiningu

Framkvæmdastjóri Kynnisferða er bjartsýnn á næsta haust. Hlutafé félagsins var aukið í aðdraganda samruna.

Ingvar Haraldsson
Björn Ragnarsson er framkvæmdastjóri Kynnisferða.
Eva Björk Ægisdóttir

Hlutafé Kynnisferða, stærsta rútufyrirtækis landsins, var aukið um 355 milljónir króna í janúar síðastliðnum með breytingu á víkjandi hluthafaláni. Fjárfestingafélagið Alfa lagði til 231 milljón og SF VII, sem er að mestu í eigu framtakssjóðsins SÍA II, lagði til 124 milljónir.Samruni Kynnisferða og Eldeyjar, sem er fjárfestingafélag í ferðaþjónustu í stýringu hjá Íslandssjóðum, er til meðferðar hjá Samkeppniseftirlitinu.

Gert er ráð fyrir að Kynnisferðir muni eiga 65% í sameinuðu félagi. Björn Ragnarsson, framkvæmdastjóri Kynnisferða, segir félagið nú vera að undirbúa næsta sumar.

„Við munum leggja meiri áherslu á vörur sem eru bæði fyrir ferðamenn og Íslendinga,“ segir Björn og nefnir hálendisrútuferðir sem dæmi. Björn á von á að umsvifum rútuferða í sumar verði álíka og síðasta sumar en er bjartsýnni á næsta vetur. „Englendingar hafa verið duglegir að koma yfir vetrarmánuðina," segir Björn.

Fjallað er um málið í Viðskiptablaðinu. Áskrifendur geta nálgast blaðið undir Tölublöð, aðrir geta skráð sig í áskrift hér


Stikkorð: Kynnisferðir Eldey