*

sunnudagur, 20. júní 2021
Erlent 19. janúar 2021 07:05

Kanada heimilar endurkomu 737 Max

Kanadísk flugmálayfirvöld munu aflétta kyrrsetningu Boeing 737 Max þotanna í landinu á morgun.

Ritstjórn
Boeing 737 MAX flugvélar voru kyrrsettar á alþjóðavísu í mars árið 2019. Nú virðist styttast í endurkomu flugvélanna í háloftin.
epa

Kanadísk flugmálayfirvöld hafa greint frá því að kyrrsetningu Boeing 737 Max þotanna í landinu verði aflétt á morgun, en þoturnar voru kyrrsettar á alþjóðavísu í tæplega tvö ár. Kanada bætist þar með í hóp með nágrönnum sínum í Bandaríkjunum en kyrrsetningu Max þotanna hefur til að mynda ekki enn verið aflétt í Evrópu. Reuters greinir frá.

Í kjölfar fregnanna greindi Air Canada frá því að Boeing 737 Max þotur félagsins myndu snúa aftur inn í flugáætlun félagsins innan Norður-Ameríku þann 1. febrúar nk.

Líkt og löngu þekkt er orðið voru Boeing 737 Max þoturnar kyrrsettar á alþjóðavísu í mars árið 2019 í kjölfar tveggja mannskæðra slysa. Galli í sjálfsstýringarbúnaði þotunnar var orsakavaldur slysanna.

Stikkorð: Kanada Boeing 737 Max