Athafnamennirnir Rúnar Þröstur Grímsson í Garðabæ og Kristján Sverrisson í Reykjavík hafa keypt Tívolílóðina og tvær nærliggjandi lóðir í Hveragerði af feðgunum Guðmundi Sigurðssyni og Sigurði Fannari Guðmundssyni. Þetta kemur fram á héraðsfréttavefnum sudurland.is.
Kaupverð er liðlega 460 milljónir en meðfylgjandi eru teikningar og byggingaréttur fyrir fjölbýlishúsum sem samtals geta orðið 30 þúsund fermetra.
Reykvísku athafnamennirnir eiga báðir ættir að rekja á Vestfirði og hafa komið að byggingaiðnaði á höfuðborgarsvæðinu, m.a. í byggingu iðnaðarhúsa í Hafnarfirði.
