Félagsvísindasvið Háskóla Íslands og KPMG kynntu niður stöður stjórnendakönnunar á morgunverðarfundi á miðvikudag. Stjórnendakönnunin var nú framkvæmd öðru sinni en meginmarkmið með könnuninni er að athuga starfshætti og starfsumhverfi stjórna. Meðal þess í niðurstöðunum sem vakti athygli þátttakenda á morgunverðarfundinum er hve hátt menntastig stjórnarmanna er alla jafna.
Þá var í könnuninni einnig athugað viðhorf stjórnarmanna til nýrra laga um lágmarkshlutfall kynja í stjórnum fyrirtækja. Þar kom í ljós að þeir sem eldri eru eru almennt jákvæðari gagn vart lagasetningunni en hinir yngri. Þá telur meirihluta stjórnarmanna að ekki megi búast við breytingu á rekstri, afkomu eða ímynd fyrirtækja vegna lagasetningarinnar. Kynjahlutföll voru sérstaklega rædd í pallborðsumræðum í lok fundarins og sagði Svana Helen Björnsdóttir, formaður SI, þar meðal annars fátt koma á óvart í niðurstöðunum. Hún benti jafnframt á hátt menntunarstig kvenna og telur skammt þess að bíða að kynjakvóti fari að vernda karla jafnt sem konur.
Góður hópur fylgdist með umræðunni um hinn íslenska stjórnarmann
Þórólfur Árnason og Andrés Magnússon létu sig ekki vanta.