Kjararáð hefur ákveðið að hækka laun forseta Íslands, þingfarakaup alþingismanna og launakjör ráðherra.
Ákvörðun kjararáðs var sú að frá og með 1. nóvember skulu laun forseta Íslands vera 2.985.000 krónur á mánuði, og hækka því um 20%.
Einnig tók kjararáð þá ákvörðun að hækka þingfarakaup, eða laun þingmanna, upp í 1.101.194 krónur á mánuði og hækka þau um 45%.
Laun forsætisráðherra að meðtöldu þingfararkaupi skulu vera 2.021.825 krónur samkvæmt ákvörðun kjararáðs. Laun annarra ráðherra skulu vera 1.826.273 krónur og hækka um 35%.
Kjararáð miðar þingfarakaup við laun héraðsdómara. Kjararáð telur enn fremur að forseti Íslands eigi að hafa hæstu launin af þeim sem kjararáð ákvarðar laun.
