Vinnuvélaleigan Armar ehf. hagnaðist um 349 milljónir í fyrra, samanborið við 445 milljónir árið áður. Tekjur námu 1,9 milljörðum og féllu um 5%. Eignir námu 3,4 milljörðum í árslok og eiginfjárhlutfall var 49%. Greidd laun námu 254 milljónum og jukust lítillega, og ársverk 24.
Í skýrslu stjórnar er heimsfaraldurinn ekki sagður hafa haft veruleg áhrif á rekstur félagsins. Lagt er til að greiddar verði 70 milljónir króna í arð í ár, en sama upphæð var greidd í fyrra.
Auðunn Svafar Guðmundsson er framkvæmdastjóri og á um leið 65% hlut í félaginu. Pétur Bjarnason 35% hlut.
