Hlutabréf lækkuðu í Asíu í morgun en hafa hækkað í Evrópu það sem af er degi.

Að sögn Bloomberg fréttaveitunnar var dagurinn tíðindalítill á mörkuðum í Asíu líkt og í gær og velta nokkuð undir meðallagi á flestum mörkuðum. Aðeins 807 milljón hlutabréf skiptu um hendur á mörkuðum í Japan, sem er nýtt lágmarksmet á þessu. Það fyrra var slegið í gær þegar um 904 milljón hlutabréf skiptu um hendur.

Þá hafði yfir yfirlýsing japanska seðlabankans um að japanska hægkerfið yrði áfram viðkvæmt neikvæð áhrif á markaði þar í landi.

Þannig lækkaði MSCI Kyrrahafsvísitalan um 0,3% í dag. Í Japan lækkaði Nikkei vísitalan um 0,5%, í Kína lækkaði Shanghæ vísitlana um 1,1%. Markaðir voru lokaðir í Ástralíu og Hong Kong. Rétt er að geta þess að Nikkei vísitalan hefur nú lækkað um 17,5% það sem af er þessu ári.

Í Evrópu er þó aðeins meira líf á mörkuðum það sem af er degi þó viðskipti séu enn sem komið er nokkuð undir meðallagi að sögn Reuters fréttastofunnar. Í Amsterdam, Frankfurt og París hafa helstu hlutabréfavísitölur hækkað á bilinu 0,5% - 1% og á Norðurlöndunum hafa helstu vísitölur hækkað um 0,2% - 0,4%.