*

laugardagur, 14. desember 2019
Innlent 16. apríl 2019 09:07

MDE dæmir Bjarna í vil gegn ríkinu

Bjarni Ármannsson fær 5 þúsund evra skaðabætur frá ríkinu auk 30 þúsund evra málskostnaðar fyrir tvöfalda refsingu.

Ritstjórn
Eggert Jóhannesson

Mannréttindadómstóll Evrópu hefur dæmt Bjarna Ármannssyni fyrrverandi bankastjóra Glitni og núverandi forstjóra Iceland Seafood International í vil í dómi sem birtur er í dag.

Hélt Bjarni því fram að með því að sekta hann fyrir að hafa ekki greitt skatta vegna söluhagnaðar hlutabréfa í Glitni þegar hann hætti sem bankastjóri og síðar sækja hann til saka fyrir sama mál væri brot á mannréttindum hans.

Segir í dómnum að ríkið hafi brotið gegn 4. grein mannréttindasáttmálans fyrir að hafa dæmt hann tvívegis fyrir sama málið, og dæmt honum 5 þúsund evra skaðabætur og 29.800 evra málskostnað. Samsvarar það tæplega 700 þúsund króna skaðabótum og rúmlega 4 milljóna króna málskostnað.

Bjarni neitaði að tjá sig um málið þegar Viðskiptablaðið leitaðist eftir því í vikunni þar sem hann var staddur í grunnbúðum Evrest.