Lýsi hf. hefur keypt meirihluta hlutafjár í Akraborg ehf. Eftir kaupin mun Bornholms A/S, í eigu Christian Sieverts og fjölskyldu, áfram eiga stóran hlut í fyrirtækinu.
Akraborg var stofnað árið 1989 og hefur verið leiðandi í framleiðslu á hágæða niðursoðinni þorsklifur og er í dag stærsti framleiðandi sinnar tegundar í heiminum. Hjá Akraborg ehf. starfa 40 manns og verður starfsemi félagsins óbreytt eftir kaupin.
Kaupin voru gerð með fyrirvara um samþykki samkeppnisyfirvalda.
Stærstu eigendur Lýsis eru Katrín Pétursdóttir og Gunnlaugur Gunnlaugsson.