Hagnaður Alcoa, sem á Alcoa Fjarðaál í Reyðarfirði, var 2,6 milljarðar bandaríkjadala á árinu 2007, eða sem nemur ríflega 160 milljörðum íslenskra króna. Hagnaður hefur aldrei verið meiri í sögu félagsins. Tekjur fyrirtækisins námu 30,7 milljörðum dala, eða um 1.900 milljörðum króna og handbært fé frá rekstri á árinu var 3,1 milljarður bandaríkjadala eða um 190 milljarðar króna. Hvort tveggja er einnig met í sögu félagsins.
Þetta er meðal þess sem kemur fram fram í fréttatilkynningu með afkomutölum Alcoa fyrir árið 2007 á vef fyrirtækisins.
