Íslandsbanki lauk í dag útboði á víxli til sex mánaða. Umframeftirspurn var eftir víxlinum í úboðinu og bárust tilboð upp á 1,74 milljarða króna. Tilboðum var tekið upp á 1,5 milljarða. Bréfin voru seld breiðum hópi fjárfesta.
Fram kemur í tilkynningu frá Íslandsbanka að flokkurinn geti orðið allt að 1,5 milljarðar króna að nafnvirði. Útboðinu var þannig háttað að boðið var í magn á fyrirfram ákveðnu verði, á 6,2% flötum vöxtum.
Alls eru útistandandi víxla Íslandsbanka upp á 8,85 milljarða króna.
