*

miðvikudagur, 1. apríl 2020
Fólk 9. desember 2019 15:47

Milla fer frá RÚV í ráðuneytið

Milla Ósk Magnúsdóttir hefur verið ráðin aðstoðarmaður Lilju Alfreðsdóttur mennta- og menningarmálaráðherra.

Ritstjórn
Lilja Dögg Alfreðsdóttir, mennta- og menningarmálaráðherra og þingmaður Framsóknarflokksins, hefur ráðið Millu Ósk Magnúsdóttir sem aðstoðarmann sinn.
Haraldur Guðjónsson

Milla Ósk Magnúsdóttir hefur verið ráðin aðstoðarmaður Lilju Alfreðsdóttur mennta- og menningarmálaráðherra í stað Hafþórs Ede Hafþórsson sem verið hefur aðstoðarmaður ráðherrans frá desember 2017.

Milla hefur síðastliðinn áratug starfað hjá Ríkisútvarpinu, síðustu ár sem fréttamaður en áður sem aðstoðarframleiðandi frétta og dagskrárgerðarkona í útvarpi og sjónvarpi.

Þá var hún varaformaður Félags fréttamanna á Ríkisútvarpinu. Milla er með ML-próf í lögfræði frá Háskóla Reykjavíkur þar sem hún sérhæfði sig í fjölmiðlarétti, auk þess að leggja áherslu á persónuupplýsinga- og vinnurétt. Hún mun hefja störf í ráðuneytinu þann 10. desember.