*

laugardagur, 5. desember 2020
Erlent 20. júlí 2020 14:47

Missa trú á keppninaut Tesla

Hlutabréf Nikola hafa lækkað um 38% síðasta mánuð og 18% í dag, lækkunina má rekja til hlutafjáraukningar.

Ritstjórn
Stefnt er að frumsýna Nikola Badger í desember næstkomandi.

Hlutabréf rafbílaframleiðandans Nikola hafa verið á mikilli siglingu það sem af er ári. Félagið stefnir meðal annars á að hefja framleiðslu á vörubílum árið 2021 og að framleiða 30.000 bíla á ári 2027 og því um leið veita rafbílaframleiðandanum Tesla samkeppni. Hægt er að panta bíl félagsins nú þegar.

Hlutabréf félagsins stóðu í 10 dollurum í byrjun árs en fóru hæst í tæplega 80 dollara 9. júní. Bréf félagsins standa hins vegar í 40 dollurum núna. Þau hafa lækkað um rúm 18% í dag og um 38% síðasta mánuð.

Lækkun dagsins í dag má rekja til þess að félagið sendi verðbréfa- og kaupþingsnefnd Bandaríkjanna beðni um aukningu hlutafjár síðasta föstudag. Markaðsvirði félagsins er nú um 14 milljarðar dollara.